Shillong, Risaw 14: U President jong ka Meghalaya Cricket Association u Nababrata Bhattacharjee, ula shah pynkup bor ban shimti ïa ka kamram kum u Convenor jong ka zonal selection committee na ka bynta ka BCCI’s Senior Women’s Inter Zonal T20 Trophy 2025-26.
U Bhattacharjee u la khot ïa ka jingïalang jong ka komiti jied ïa ki nongïalehkai ha ka 21 tarik u Risaw ha Guwahati ban pynthikna ïa ka kynhun ba pura.
mynta ka samoi ïa kane ka lympung yn pynlong ha Dimapur, Nagaland, naduh ka 04 haduh 14 tarik Naiwieng.
Baroh ki don hynriew tylli ki zone – North, South, North East, West, Central bad ka East. Ki kynhun kin ïalehkai nyngkong eh ha ka rukom ïalehkai jong ka round robin format bad ki ar tylli ki kynhun ba kynsai tam kin ïakhun ha ka phainal ban ïaknieh ïa ka nam lahduh.
