Jowai, Nailur, 09: Ka “Khooid Ya ka Wah Myntdu” kawei na ki seng treimon sngewbha kaba peit ïa ka bha miat jong ki sawdong sawkun ka Wah Myntdu ka la pynpaw ïa ka jingsngewnguh ïa ki briew kiba la noh synñiang na ka bynta ka jingïakhun ïa ka hok jong ka Wah Myntdu hakhmat ka National Green Tribunal (NGT) Principal Bench, New Delhi kaba la shong bishar ha ka 22 tarik, Nailar, 2025.
Ha ka jingïakren bad ki lad pathai khubor ha Jowai, u Bah Khroo Pariat ula ong kum ka kynhun ka pynpaw ïa ka jingsngewnguh kaba khraw eh ïa baroh halor ka jingnoh synñiang ki nongshong shnong naduh ki Dorbar Shnong, ka Seiñ Raij, ki kynhun trei mon sngewbha bad ki riew shimet kumjuh.
Na kane ka jingnoh synñiang jong kiba bun ba lang ban ïada ïa ka hok ka Wah Myntdu, ka jingïoh lum baroh kumjuh na ka pisa bad na ka Gpay ka la kynjoh sha ka T.2,45,244 lak. Na kane u don ruh uwei u riewshimet u bym kwah ban pynpaw kyrteng uba la noh synñiang marwei haduh 1 lak tyngka na ka bynta ka Wah Myntdu.
U la ong ba ka seng kan dang pdiang ïa kino kino kiba kwah ban noh synñiang.
Kum ka seng kam lah khlem pynpaw ka jingsngewnguh kaba khraw eh lyngba kane ka pisa ba la ïoh lum la lah ban pyndonkam na ka bynta ban siew sha ki Muktiar ki ban ïakhun haduh ka Ïingbishar Supreme Court ïa ka hok ka wah Myntdu.
Shuh shuh ula pyntip ïa ka jinglut jingsep baroh yn sa ai da ka Audit Report ïa kaba yn sa khot da ka jingïalang ha kine ki sngi ban wan.
Ïa kane ka mukotduna la buh sngi ban shong bishar biang ha ka 17 tarik, Risaw, 2025.
