Jowai, Risaw 25: Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan First Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long ha ka sngi Thohdieng (25 tarik u Risaw) ha madan Kiang Nangbah Stadium, Jowai.
Haba phai sha ka jingïakhun mynta ka sngi ka kynhun ïalehkai jong ka Mooknor Thadmuthlong ka la lah ban pynliem noh da 4-1 kol ïa ka Mookyndur.
Na bynta ka Mooknor Thadmuthlong ki saw kol la thep da u Coming Sari haka minit ba 9, u Ban Tang haka minit ba 45+1 bad u Ioh i Dhar u la pynkhih ar kol haka minit ba 55 & 63. Katba ïa ka shikol na bynta ka Mookyndur la thep da u Jomsing Pariat haka minit ba 45+2.
Ka jingïakhun mynta ka sngi 26 tarik u Risaw kan long hapdeng ka Mukhla Evergreen pyrshah ïa ka Mynthong ha ka por 2 baje nohphai sngi.
