Jowai, Risaw 03 : Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi Balang ha Kiang Nangbah Stadium, Jowai.
Ïa kane ka lympung la pynïaid da ka West Jaiñtia District Sports Association (WJDSA) shi bynta na ka jingrakhe jubilee ksiar jong ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun mynta ka sngi ka Evergreen Mukhla SC kala lah ban pynliem da 3-2 kol ïa ka Wahiajer SC, ïa ki ar kol la thep shwa da ka Wahiajer lyngba u Niki Phawa ha ka minit ba 18 & 44. Katba ha ka jingïakhun jong ka kylla miet ka Evergreen Mukhla SC kala ïaleh dohïap ban pynphai kylla ïa kitei ki kol bad dei ha ka minit ba 60 kala ïoh ban thep ïa ka kol ba nyngkong da u Eddie Rayner Suna, bud sa ka kol ba ar da u Robert Bang ha ka minit ba 87. Hadien kane ka Evergreen Mukhla SC kala thep biang sa ka kol kaba lai lyngba u Teddyson Bang ha ka minit 90+1 kumta ka la jop da 3-2 kol.
Ka jingïakhun lashai ka sngi 4 tarik kan long hapdeng ka Chutwakhu SC pyrshah ïa ka Sailung Ialong SC haka por 2 baje shiteng nohphai sngi.
