Shillong, Naitung 03: Ka Meghalaya Chess Association [MCA] ha ryngkat ka jingkyrshan na ka tnat Sport jong ka Sorkar Jylla, kan pynlong ïa ka “1st Meghalaya State Senior (50 snem sha jrong) Chess Championship 2024″ ha ka 19 tarik bad 20 tarik mynta u Naitung, 2024 ha Youth Hostel, Shillong.
Ka jingpynlong jong ka MCA ïa kane ka lympung ïalehkai Chess ka long shi bynta ban rakhe ïa ka”International Chess Day” kaba dei ha ka 20 tarik mynta u Naitung, 2024.
Ka song tyngka kaba la pynkhreh ban sam sha ki nongjop ka long haduh 16,500 hajar tyngka, ha kaba ki nongjop ba wan kyrdan ba nyngkong kin ïohpdiang 5000 tyngka, kyrdan ba Ar kin ïoh 3500 tyngka, kyrdan ba lai kin ïoh 2500 tyngka, ba Saw kin ïoh 2000 tyngka bad kiba poi kyrdan ba san kan long 1000 tyngka.
Nalor kane, ka synjuk ka la ;pynkhreh ruh ïa ka song khusnam na bynta kiba la 60 snem shaneng, ha kaba kiba poi kyrdan kin ïoh 1500 tyngka bad kiba wan ba ar kin ïoh 1000 tyngka.
Na bynta ki jingtip ba kham bñiah phi lah ban ïakynduh ne phun ha kine ki bumber: Bah K. Pajat – 9485359410 – Bah R. Katrai – 8787333937 – Kong S. Khonglah – 8794777913.
