15 tarik ka tamasa u soh Water Melon ha shnong Mynriang

Shillong, Nailar 12: Ha ka sien ba nyngkong eh ka shnong Mynriang kaba hap hapoh u pud u sam jong ka East Khasi Hills District kan pynlong ïa ka Water Melon Festival ha ka 15 tarik mynta u bnai kum shi bynta ban dang kyntiew shuh shuh ia ki nongrep soh jong ka shnong hi baroh kawei.
Ïa kane ka tamasa kan dei ka sien ba nyngkong eh ba kum ka shnong kan pynlong bad ia kane ka tamasa bas hi sngi yn sdang ha ka por 10 baje mynstep hapoh jong ka shnong Mynriang kaba jngai kumba 45 kilometer na nongbah Shillong.
Ha katei ka sngi na ka liang ka shnong bad ki pyni kin pyni ia u soh water melon kiba thung hi da ki paidbah nong shong shnong bad kiba khlem pyndonkam dawai ba un heh un san.
Kum ban shu kdew ba u soh water melon bat hung hapoh ka shnong Mynriang u dei u soh uba thiang bha bad ruh uba um bha.
Na ka liang u Bah J. J Lyngkhoi uba dei u Secretary Shnong ka shnong Mynriang u la wer ïa ki paidbah na ki shnong ki shnong kiba marjan bad kumjuh ruh ïa ki paidbah kat kiba lah ei ban poi sha katei ka tamasa bad ban sakhi hi da la ki khmat bad ruh ban mad ïa u soh water melon uba mih hapoh ka shnong Mynriang.
U Bah Lyngkhoi u la pyntip ba ïa katei ka tamasa la ïa trei lang bad ka sorkar bad kumjuh ruh ka tnad ka rep ka riang jong ka sorkar na ka bynta ban kyntiew shuh shuh ïa u soh water melon.