Shillong, Risaw 22 : U Chief Executive Member ka Khasi Hills Autonomous District Council, Bah Winston Tony Lyngdoh ha ka sngi Balang u la pyntip ba naduh Lber haduh Risaw 2025, ka Council ka la dep ai haduh 13 tylli ki Trading Licence.
Ïa kane u CEM ula jubab halor ka jingkylli ba la wanrah da ka MDC jong ka Nongskhen, Kong Grace Kharpuri ha ka Dorbar kaba sdang ha kane ka sngi Balang.
Haba jubab halor ka jingkylli, u CEM u la ïathuh ba baroh 13 tylli ki Trading License la ai sha ki briew ki bym dei trai jylla ne ki Non-Tribal. Shuh shuh u CEM u la ïathuh ruh ba ha u bnai Lber 2025, ka Council kala ai thymmai 7 tylli ki Trading Licence ki ban kut noh ha u bnai Lber 2026.
