1. Ïalehkai, kdup ieit, kren, bad ïa rkhie bad ïa rwai bad ki khyllung bad ki khynnah rit ruh kumjuh katba phi lah.
2. Ki khyllung bad ki khynnah rit ki long kiba kloi ban khie dom, ban sngew sheptieng bad ban khñï-iam, bad kim lah ban ïathuh ne batai ïa ki jingsngew jong ki. Kumta ngi dei ban long kiba jynsur mynsiem bad ki barabor.
3. Ki khyllung/khynnah rit ki nangkloi: kumno ban ïaid, ban pyrthuh ïa ki sur, ban bam bad ban dih. Ïarap ïa ki ha ka ban leh ïa kine ki kam, hynrei ha kajuh ka por ailad ïa ki ba kin pyrshang hi ïa kiei kiei watla ki bakla, tangba peit ba kin nym mynsaw pat.
4. Baroh ki khyllung, la shynrang ne kynthei, ki long kiba kordor: sumar bha ïa ki, khamtam ïa kito kiba pang bad kiba don jingduna ha ki dkhot met jong ki.
5. Ki khyllung/khynnah ki pyrthuh ïa ka jinglong jong kiba la heh la san kiba ki ïohi barabor. Bishar bha ïa ki kam kiba phi leh hakhmat jong ki bad pyni ïa ka lynti kaba dei ïa ki.
6. Ha ba ki khyllung/khynnah ki ïam, ka don ka daw (lah ban long ba ki thngan, ki tieng ne ki pang). Pyrshang ban wad ïa ka daw tynrai balei ki ïam.
7. Ïarap ban pynkhreh ïa ki khyllung/khynnah na ka bynta ban pule ha skul lyngba ki jingïalehkai da ki nombor, ki dak thoh, ki jingdro dur bad airong. Ïathuhkhana, ïarwai bad ïashad bad ki.
8. Ha ka kynhun, peit bad buh jingthoh kumno i khyllung i heh i san na kaba kyrsih sha ka par, bad haba i ïaid nyngkong ne kren nyngkong.
9. Ïarap ban ïada ïa ki khyllung/khynnah na ki jingpang da kaba hikai ïa ki nongri khyllung bad ïa ki khynnah ba la kham heh ba kin peit bad khmih ïa ka jingkhuid jingsuba ki khyllung (khamtam ïa ki kti bad ka dur khmat), ba ki dih ka um kaba khuid bad ba ki bam ki jingbam kiba tei.
10. Sumar da ka jingïeit ïa ki khyllung/khynnah, tangba wat klet ban sumar ïalade ruh. Ka jingsumar ïalade ka long kaba donkam.
Kine ki khubor ka koit ka khiah ki dei kiba la bishar bad pynjanai da ki riew shemphang ka koit ka khiah ha kaba iadei bad ka ki khunlung bad phi lah ban shem ïa ki ha ka