3rd Division EJHDFA: Jop ka Moopala SCSC; Ïakhaid Ar tylli ki jingïakhun
Jowai, Nailar 07: Ka Moopala SCSC ka la jop ïa la ka jong ka jingïakhun jong ka lympung phutbol 3rd Division 2026 League Stage bala pynïaid daka East Jaiñtia Hills District Football Association (EJHDFA), kiba la long hynne ka sngi Nyngkong, ka 17 tarik u Nailar, 2026 ha madan Artificial turf Diengshynrum, Khliehriat.
Ha kajuh ka sngi la sakhi ïa ar tylli ki jingïalehkai kiba la kut ha ka jingïakhaid.
Ka jingïakhun ba yngkong jong ka sngi hapdeng ka Shymplong SCSC bad ka Umlawang SC ka la kut ha ka jingïakhaid mar 1-1. Ka Umlawang SC ka la pynkhihjar nyngkong lyngba u Bashan Sympli haka minit ba 51 hynrei ka Shymplong SCSC ka la ïoh ban pynïakhaid lyngba u Dawyoo wanphai Bhoi (64’).
Kumjuh ruh haka jingïakhun kaba ar, ka Umkiang Maya Club bad ka Lumputhoi SCSC kila ïakhaid mar 1-1.
Ka Umkiang Maya Club ka la ïoh ban lamkhmat na ka kol jong u Cherister Sumer haka minit ba 45 hynrei ka Lumputhoi SCSC ka la pynïakhaid lyngba u Rishan Lyngdoh (75’).
Ha ka jingïakhun kaba lai la sakhi ïa ka Moopala SCSC kaba la jop da 2-1 kol ïaka Iongkaluh SCSC.
ïa ki kol na ka Moopala SCSC la thep da u Enguh Syrti haka minit ba 6 bad u January Pajuh haka minit ba 51. Ïa ka shikol na ka Iongkaluh SCSC la thep da u Starwil Rymbai haka minit ba 19.