Shillong, Nohprah, 17: Ka Kashari jong u Judicial Magistrate First Class (J), East Khasi Hills, ka la rai pynrem da kaba set along khatwei bnai kynthihïa uwei u briew uba la tip kyrteng kum u Rocky Pala halor ka jingdonkti ban rongtuh jong kawei ka Motor Cycle FZ kaba don ïa u nombar ML05-J-2756 (jyrngam bad iong).
Ka Kashari ka la pynmih ïa ka rai ba pynrem ïa u Rocky Pala ha ka 1 tarik mynta ubnai.
Katkum u kyrwoh ba la phah da u Superintendent of Police (City) ka East Khasi Hills u Bah Vivek Syiem u la ïathuh ba ki Pulit jong ka Rynjah Police Station ki la ïoh pdiang ïa ka ejahar ha ka 21 tarik mynta u bnai halor ka jingshah tuh jong ka thuk thuk Motor Cycle FZ kaba don ïa u nombar ML05-J-2756 (jyrngam bad iong).
Ha ka jingtohkit ki Pulit ki la ïohkem ïa u Rocky Pala na ka shnong Mookyrdup.
Ki Pulit ka Rynjah Police Station ki la register ïa ka case hapoh ka Section 379 IPC bad la bynshet ha u Ophisar Sub-Inspector u Tengphan N. Sangma ban pynlong ïa ka jingtohkit halor kane ka jingjia. Ïa ka case la charge sheeted ha ka 27/01/2022.
