Shillong, Nohprah 06 : Ka Dorbar Shnong Mission kan pynlong ïa ka jingpynkhuid shnong ha ka 10tarik mynta u bnai (Sngi Saitjaiñ) naduh ka por 7:00 baje mynstep tad haduh ban da dep ka kam.
Ka kyrwoh na ka Dorbar Shnong ka pyntip ruh ba na ka bynta ka jingiaid beit ka prokram la hap ban pyrkhing ban rung ban mih ki kali ha shnong thang khyndiat por haduh ban da dep ka jingpynkhuid. Kumta la kyrpad ïa ki paidbah ba kin iai shah lang ha katei ka sngi.
Kane ka long katkum ka kyrwoh ba la phah da u Prof. Don Kupar War, Secretary.
