Tura, Risaw 09 : Kum shi bynta jong ka Azadi Ka Amrit Mahotsav, ka District Sports Offier ha ryngkat ka jingïatreilang ryngkar ka bor pynïaid District jong ka West Garo Hills Tura ka la pynlong ka jingpynïakop mareh kaba la tip kum ka Fit India Run ha Tura.
Ïa katei ka jingïakob mareh Fit India Run la sdang na Matchakolgre L P School, New Tura ha ka jignjngai kaba 10 kilometre. Ha katei ka jingïamareh la wan ban ïashim bynta da ki 100 ngut bad la kaweh ïa ka lamda da u Deputy Commissioner ka West Garo Hills, Tura u Swapnil Tembe uba la sam ruh ïa ki takma bad ki song pisa sha ki nongjop.
Ha ka liang ki shynrang ïa ka nam ba nyngkong la jop da u Batsrang A Sangma, u Witnar A Sangma ha ka kyrdan ba ar bad u Bethnar A Sangma ha ka kyrdan ba lai. Ha ka liang ki kynthei ïa ka nam ba nyngkong la jop da ka Smile Orchid M Momin, Tulsi G Momin ba ar bad ka Rikmatchi G Momin ha ka kyrdan ba lai.
Katba ïa ka khusnam nongïashim bynta ba khynnah tam la ïoh da u Changrik D Marak bad ba la rangbah tam da u Topon M Sangma.
