Shillong,Nailur 23 : U Myntri ka tnad pule puthi u ma Lahkmen Rymbui u la ong ba ka sorkar kan ym khot ïakren shuh da lei lei ruh ïa kine ki nonghikai Kontrak.
“ Ym don jingmut shuh ban khot ïakren ïaki namar ka jingpynrung kam nonghikai ka la dep. Kumba nga la ju kren na ka por sha ka por ba ka polisi treikam ka sorkar ka long ban ym phai dien shajuh shi shajuh kumta kata ka jingkhot ïakren kan ym don jingmut shuh” ong u ma Lahkmen.
Kumba long mynta kine ki nonghikai kontrak hapoh ka lama Meghalaya Government Lower Primary Contractual Teachers’ Association (MGLPCTA) ki dang bteng beit ïaka jingïakhih jongki hakhmat u mawmot Kiang Nangbah hajan Civil Hospital. Kine ki nonghikai kiba don 800 ngut ei ei ki la shah pynduh kam noh hadien ba kim lah ban pass ia ka Meghalay Teachers Eligibility Test (MTET).
