Shillong, Nohprah 15: Da kane la pyntip sha baroh ki paidbah ba ka jingkhang ïaid kali kaba la ju don manla ka sngi ha kine ki khyndiat bnai ba la dep ha shilynter jong ka surok hapdeng ka Laitlyngkot bad Lyngkyrdem jong ka surokbah Shillong-Dawki yn sa wengnoh na ka bynta baroh shi sngi bad kane ka jingweng kan sdang noh naduh ka 18 tarik u Nohprah, 2025 bad kan treikam tat haduh ban da pynbna da kumwei.
La pyntip shuh shuh pat sha ki paidbah bad kan don ka jingtrei surok kaba malu mala ha kitei ki bynta jong katei ka surok kaba lah ban ban pyndonkam ban sangeh ïa ka jingïaid jong ki kali na ka bynta kumba 10 haduh 15 minit eiei, kumta la kyrpad ïa ki nongleit nongwan ba kin ïailong kiba phikir bad ba kin ai ka jingïatreilang, ong ka kyrwoh ba la phah da Additional Deputy Commissioner, Pynursla Civil Sub Division.
