Shillong, Risaw 03: Ka tamasa Cherry Blossom ka la pynkhreh ban pynpaw ïa ka jingwan jong u nongrwai DJ Diplo ha ka sngi baar jong ka tamasa. Kum uwei na ki nongrwai ba la ïoh khusnam laisien ban jop ha ka Grammy Award, u la long ruh napdeng kiba la jop hapoh ka kyrdan kaba 10, bad u DJ Diplo la ong ba un sa pynlong ïa ki paidbah ki ban shongshit ha kane ka tamasa.
Ha ka sngi kaba nyngkong ha kane ka tamasa yn wan ban pynshongshit da u Jason Derulo bad ka The Script, ka ban synranlang da ka special guest ka Norah Fatehi. Halor kane la ong ba na ka liang ki nongpynïaid ki dang ap ïa ka jingpynbna halor kane ka jingpyni ïa kine ki nongrwai na ka bynta ka sngi kaba ar, ki ban pynlong ruh ïa kane ka tamasa kaba sah kynmaw.
Na ka liang ki nongpynïaid ki la kyntu ïa ki paidbah ba kin thied noh ïa ki tiket na ka bynta ka sngi kaba ar bad ban shim kabu ruh ïa ka dor jong ka Phase 1, naba kine ki tiket kin ym neh slem.
Ïa ka Cherry Blossom Festival la ïoh ban mad da ka jingwan sakhi jong ki hajar ngut ki briew kiba la sakhi ïa ki concert, ba kynthup ïa ka Sunburn bad Martin Garrix’s kiba la wan tour sha India.
Ïa ka tamasa yn pynlong ha ka 14 & 15 tarik u Naiwieng bad ka jaka ka dei ha JN Stadium & Polo Grounds Shillong bad ïa ki Ticket kiba lah ban ïoh mynta na ka bynta ka Day 2 kan ha RockskiTickets.com.
