Shillong, ïaïong, 28: Ka Ophis jong u Executive Engineer, ka tnat PHE, Greater Shillong Water Supply Division No-II, Mawphlang u la pyntip ba yn pynsangeh shwa shipor ïa ka jingsam umbam umdih na ka daw ka jingmaramot ïa u pipe um jong ka Gravity Main ka Greater Shillong Water Supply Scheme ha ka shnong Mawngap Lumparring ha ka 28 tarik u bnai Ïaiong, 2022.
Ki jaka ki ban sa shah ktah kin long ki shnong kiba hap hapoh ka Shillong Municipal Board, ka Shilong Cantonment Board, ka Nongthymmai bad ka Mawlai.
Ka jingmaramot ïa u pipe um ka la ïaid shakhmat bad la khmih lynti ba ka jingbteng ban sam biang ïa ka umbam umdih ka long haduh ha ka por janmiet ka 29 tarik mynta u bnai.
