Jowai, Nailur 21: U Symbud Myntri Rangbah ka sorkar jylla u Ma Sniawbhalang Dhar, u la pyntip ba shen ka Peace Committee jong ki ar tylli ki bor District kin sa shong jingïalang mardor hapoh kane ka 30 tarik mynta u bnai, khnang ban lait na kino kino ki jingpynthut ha ka por ba leit ot ïa u kba.
Kane ka jingkren jong u Symbud Myntri ka la mih hadien ba ka la don biang ka jingjia hapdeng kai Karbi bad ki Pnar ha Lapangap kaba la wanrah ka jingsyier ai ki paidbah ban leit sha ki lyngkha rep.
Ha kaba ïadei bad ka jingïakren ban pynbeit ïa u pud u sam hapdeng ki ar jylla, na ka liang u Ma Sniawbhalang ula ong ba kane ka kam ka dang ïaid shakhmat na baroh ar liang.
Shuh shuh ula pyntip ba ka don ruh ka jingdawa ban buh ïa ki pulit hajan ki pynthor kba katkum ka jingdonkam ki nongshong shnong ha khappud. Halor kane u la ong ba mynta ka sngi Nyngkong un shong ïa ka jingïalang ha ryngkat bad u DC ban pynbeit ïa kane ka jingdonkam.
Kumba long mynta ka la dei ka por ban ot ïa u kba na ki hali, hynrei na ka daw ka jingïaknieh jaka hapdeng Karbi bad ki Pnar ha khappud kala wanrah man ka por ïa ka jingïakynad hapdeng jong ki.
