Yn shong jingïalang ka DSC shwa ban thungkam: DC
![](https://mawphor.com/wp-content/uploads/2022/05/mawphor-1-2.jpg)
Nongstoiñ, Naitung 13: Ka Hynñiewtrep Youths Council HYC West Khasi Hills District hapoh ka jingïalam u samla Lumlang Kharsyiemlieh President bad samla Pynrap L Rngaid Assistant Organising Secretary, mynta ka sngi ka la ïoh ban ïakynduh ïa u Deputy Commissioner ka West Khasi Hills District Sahep Garod LSN Dykes, halor ka jingpynslem ïa ka ka District Selection Committee na ka bynta ki samla wad kam.
Ha kaba ïadei bad ka DSC, ka HYC ka seng ka la buddien bad kyrpad ïa ka ban pynbna Advertisement noh ïa ki Post bapher bapher, ban phah Written test ne Interview noh ïa ki ba la Advertisement ha ki por ba la dep, namar lada ïai pynslem kan pynnoh mynsiem ïa ki samla wad kam.
Katkum ka jingong jong u Myntri Rangbah ka jylla Conrad K. Sangma ha ka 10 tarik Naitung 2024, dei ban ïaid shakhmat noh ïa ka DSC ne MPSC ter ter. Kumta ka seng ka ngeit ba dei ban pynkloi shuh shuh na ka bynta ka jingbha ka lawei ki samla.
U DC u la kular ban shimkhia ban leh noh ïa bad ka un buh jingïalang noh na ka DSC ha ka 29.7.2024.
Hadien kata kin sa leh ïa ka bynta ban ïaid shakhmat. U la ong ruh ba ka DSC kan shim shuwa ban phah Exam ne interview ïa kito kiba la advertisement naduh 2020 ter ter.
Ka seng ka la kyrpad ruh ha kaba ïa dei ka jingkhia haba dei ka typing na ka bynta ki LD Post ban da pyrkhat thymmai. Na ka liang u DC u la ong un sa pyrkhat ban pynsting ïa ki kyntien, khnang ban ïarap ïa ki samla wad kam.