Nongstoiñ, Jymmang 6: U Deputy Commissioner ka West Khasi Hills District, Nongstoiñ, u la pyntip ba ka sorkar India kan pyntreikam ïa ka National Mission on Cultural Mapping (NMCM).
Ka jingthmu jong kane ka survey ka long ban lum ïa ki jingtip tynrai, ki jingstad tynrai, ki jaka ba pawnam bad ki jinglong ba kyrpang jong ka mariang bad ki jingtreikam ba kham kyrpang jong ki jaitbynriew bapher bapher ba don ha ri India. Ïa kane ka survey yn pyntreikam hapoh ka District lyngba ki CSC lane ki Village Level Entrepreneurs (VLE).
Kumta na ka liang u Deputy Commissioner u la kyrpad ïa ki sordar shnong, ki nongïalam shnong bad ki riew paidbah ban ïa trei lang bad kine ki nongwan lum jingtip. Ïa ki jingtip ba kham bniah phi lah bah phone sha kine ki number 9436344580 lane 8014673620.
