Mawkyrwat, Nohprah 12: Ka Mawlangwir Sports Club kan sa ïoh ban sdang noh mynta ka taïew ïa ka Mawlangwir Football Community Shield 2022, ha ka 17 tarik u Nohprah, 2022, ha ka por 1 baje nohphai sngi, ha Madan Saitsnad, Mawlangwir, South West Khasi Hills District.
Ha kane ka lympung, ki kynhun ki ban ïa aireng pyrshah nyngkong kin dei ka Se Lajong Football Club, Mawkyrwat pyrshah ïa ka Seven United SS&CC, Mairang.
Ïa kane ka lympung ïalehkai ynsa plie da u kongsan, u bah Renikton Lyngdoh Tongkhar, Myntri ka tnad Umbam Umdih jong ka Jylla Meghalaya & MLA ka Mawkyrwat Constituency.
Namarkata, ka Sports Club ka khot ka wer ïa ki paidbah ka shnong bad ka dong ka thaiñ baroh kawei ba kin wan sakhi ïa kane ka lympung bad ban ai jingkyrshan ïa ki kynhun ïalehkai bapher bapher.
