Jowai, Naitung 08: Ka Sub-Divisional Officer (Civil), Amlarem Sub-Division kala pyntip katkum ka Notification ba la pynbna naduh ka 12.08.2021 da ka Ministry of Environment Forest and Climate Change bad kumjuh na ka ophis jong u Deputy Commissioner ka WJHD ha ka 15.06.2022 shi bynta ban pynsangeh ka jingpyndonkam pla plasttic katkum ka kyndon Plastic Waste Management (Amendment) Rules, 2021.
Na ka liang ka SDO Amlarem kala pynmih syndon da ka hukum ban leit jurip ïa baroh ki dukan bad ki ïew ki hat hapoh ka thaiñ Amlarem da ki briew sorkar ba kin sangeh noh ka jingpyndonkam ïa ki pla plastic ba tang shisien pyndonkam.
Kane ka jingleit jurip kan sdang naduh lashai ka sngi 8 tarik u Naitung na ka bynta ka shnong Bakur bad Dawki ha kaba yn peit da ka kong Zaryne Kharkongor Sub Inspector Supply Amlarem ryngkat Supervisor ma G. L. Chyne Mylliem MCS EAC. Ha Amlarem, Jaraiñ bad Shkentalang yn leh ha ka 11 tarik u Naitung ba yn peit da u Rudolf E. Laloo Sub-Inspector Supply Amlarem.
Katba ha ka shnong Muktapur yn leit jurip haka 12. Tarik u Naitung ha kaba yn peit da u Nangkyntiewbor Jungai Sub Inspector Supply Amlarem.
