Shillong, Jylliew 04: Ka Meghalaya Transport Corporation (MTC) ka la pynbna ba kan sdang biang ïa ka jingpynkamai ïa ki helicopter (Meghalaya Helicopter Service) naduh ka 2 tarik mynta u bnai ban kit ïa ki nongleit nongwan sha ki thaiñ Guwahati, Shillong bad Tura.
U Managing Director ka MTC la pyntip ba kane ka jingshakri kan treikam ha ki sngi ban wan hynrei ïa ka por bad ïa ka bai shong Helicopter yn sa pynbeit pat.
Kane ka jingshakri jong ka Helicopter kan long ha ka sngi Nyngkong, Sngi Thohdieng, bad Sngi Palei, kumjuh ruh ha ka Sngi Balang, Sngi Thohdieng, bad Sngi Saitjain ban pynïasoh ïa ka Guwahati, Shillong bad Tura.
Ka dor bai shong Helicopter kan long 2200 tyngka shi khlieh, kynthup ïa ka GST katba Shillong–Tura bad Tura–Shillong lyngba ka Guwahati yn shim dor T.3000 shi khlieh.
Ka MTC ka la kyntu ïa ki nongleit jingleit ba kin khmih bha ïa ki por bad ka dor thymmai hashuwa ba kin thied tiket.
