Jowai, Jylliew 18 : Ka ophis jong u District Sports Officer West Jaiñtia Hills District, Jowai kala pyntip ba shen kan sdang ïa ka District Level Inter School Subroto Cup Football Tournament- 2023 ïa kane ka lympung yn pynïakhun ha Kiang Nangbah Stadium, Jowai na ka bynta ki kyrdan Under-14 (Boys) bad Under-17 (Boys & Girl).
La ïathuh ba ïa kane ka lympung ïalehkai jong ki khynnah skul yn sdang naduh ka 20 tarik u Jylliew. Na ka bynta ki skul ki ban ïashim bynta ha ka Under 17 (Boys) ki don haduh 28 tylli ki skul. Ha ka Under 14 (Boys) ki don haduh 26 tylli ki skul. Katba ha ka Under 17 (Girls) ki don haduh 9 tylli ki skul.
Ha kaba ïadei bad kane ka lympung kino kino ki skul kiba donkam ban ïoh ki jingtip ba kham bniah ki lah ban ïakynduh ïa ki ki nongtrei ka ophis DSO WJH.
