Yn sdang ka Meghalaya ïa ka lynti ïaid ha ka Junior Girls’ National Football C’ship pyrshah ïa ka SAI

Shillong, Naitung 25: Ka kynhun ïalehkai phutbol ki Kynthei ka Jylla Meghalaya kin sdang ïa ka jingïalehkai ba nyngkong jong ki ha ka Junior Girls’ National Football Championship (Tier 2) ha ka 1 tarik Nailar pyrshah ïa ka Sports Authority of India.
Ka kynhun ka la mih na nongbah Shillong naduh hynnin ka Sngi Palei ban leit ïashimbynta sha katei ka lympung phutbol ka ban long ha Belgaum, Karnataka.
Kumba ka paw, ka kynhun ki thei ïalehkai ka Jylla kaba hap hapoh ka jingïalam jong ka Sharmila Kharbani kum kum ka Coach, ka la shah thup hapoh ka Group D, bad ki kynhun ki kynthup ïa ka SAI, Sikkim bad ka Madhya Pradesh.
Ka Meghalaya kan aireng nyngkong ïa ka Sports Authority of India, ha ka 1 tarik u Nailar, nangta ïa ka Sikkim, ha ka 3 tarik Nailar bad khadduh ïa ka Madhya Pradesh, ha ka 5 tarik u Nailar.
Baroh ki jingïalehkai kin long ha Belgaum, Karnataka. Ki lahduh napdeng kine ki saw tylli ki Group kin ïohrung sha ka semifinal, kiba yn pynïakhun ha ka 7 tarik Nailar.
Ki kyrteng jong ki player ban mih madan ïa ka jylla ha kane ka lympung ki long: Alisha Lyngdoh, Eiladki Ksoo, Eightfulness Shangdiar, Bira Pyngrope, Blessiful Thongni, Ibashembha Khongsit, Deigracia Dan, Ibadarihun Nongsiej, Ba-inangsan Langbang, Adelecia N Khongwar, Dakini Shylla, Larihun Songthiang, Balabet Khongsit, Judith Kharmuti, Amethis R Darnei, Philasakhi Marngar, Saphapaia Lyngdoh, Shishameri L Peinlang, Bonifilia Shullai, Lapdianghun Rani, Zephania L Marshilong, Delphinia Syiem
Officials: Haphilabet Kharkongor, Lucky Mary Marbaniang, Sankidaroi Sajem