Nongstoiñ, Naitung 8: Ki Nonghikai SSA ki la long kiba la pynkhreh mynta ban ïakhih pyrshah ïa ka sorkar. Halor kane ki nonghikai SSA na ki lai District kata na West, Eastern West bad South West, kin shong ïa ka jingïalang ba kyrkieh jong ki ha 11 tarik mynta u bnai ka por 11 baje mynstep, ha Bethel Presbyterian Secondary School, Nongstoiñ shilliang surok bad ka Ophis Block Nongstoiñ. Ïa kane ka jingïalang la pynbeit da ka AMSSASTA, WKHD.
Ki nongïalam ka synjuk ki khot ki wer ïa iwei pa iwei ki paralok Nonghikai SSA jong kine ki 3 tylli ki District, ban sngewbha wan ban ïashim bynta khnang khnang sha katei ka jingïalang, ban ïa pyrkhat kyrpang ïa ki kam ha kaba ïadei kham tam eh ha kaba ïa dei bad ka jingïakhih, ïa kaba la pynbeit ban pynlong ha ka 15 tarik mynta u bnai, na ka daw ka jingleh mynthi bym pyllait shuh ka Sorkar ïa ka Tulop 5 Bnai jong ki, nalor kiwei kiwei de ki mat jingïakren ba kongsan.
“Ngi donkam ban ïatylli para Nonghikai SSA baroh khoit, ym ban dang ïa sngew Seng. Ngi la donkam eh ïa ka jingïatylli ban pynurlong ïa ki jingdawa jong ngi, ym ïa ki Seng. Ki Seng kin nym ai ei ei ïa ngi”, ong ka kyrwoh na u Babu P Shangpliang General Secretary AMSSASTA, West Khasi Hills District.
