Shillong, K’ Lyngkot 15: U Myntri Rangbah ka Jylla Meghalaya, u Conrad K Sangma, u la pynbna ba ka jingïakren halor u pud u sam bad ka Assam, kan sa sdang biang hadien ka elekshon jong ka Jylla Assam, da kaba kdew ïa ka jingkhuslai jong ka sorkar ba mynta, ha kaba ïadei bad ka elekshon.
“Ka elekshon ka la jan, kumta haba phai sha ka saiñ pyrthei, ka jingsynshar kaba mynta (ha Assam) bad ka sorkar kam don ha ka lad ban ïashim bynta mynta,” ong u Sangma ha ba ïa kren bad ki lad pathai khubor mynta ka sngi Palei.
Ka wat kaba ar jong ka jingiakren halor u pud ka thmu ban pynbeit ïa ki hynriew tylli ki bynta kiba dang sah hapdeng ki ar tylli ki jylla, da kaba kren ïa ka jingïaid shaphrang jong ki kam kaba la leh ha u snem 2022 ha kaba ki la ïasoi ïa ka soskular (MoU) ban pynbeit ïa ki hynriew tylli ki mat ba don ka jingiakynad.
“Ynda la dep ka elekshon ha Assam hangta ngin sa ïaid shakhmat bad bteng ïa ka jingïakren halor u pud u sam”, la pynthikna u CM.
