Shillong, Nailar 4 : Ka Raid Laban Sport and Social Cultural Organisation (RLSSCO) hapoh ka jingïalam u President jongka u bah Sanbor Shullai uba long ruh u MLA jongka South Shillong Constituency kan sam ïa ka khusnam Metitorious Award 2022 kaba 19 sha ki samla pule kiba pass bha ha ka kyrdan 1st Division ha ka eksamin jongki ha ka SSLC, HSSLC, ICSE,CBSE, ISC, Degree/Univeristy/ Diploma ha une u snem 2022.
ïa kane ka khusnam yn sam ruh sha kito kiba don jingduna ha ki dkhot met, kiba duk ba rangli kiba pass bha la ka dei ha kino kino ki Division ruh. Ka jingthmu kalong ban dang ai mynsiem bad pynshlur ïa ki.
ïa ki form lah ban ïoh na ophis jongka seng ha ka ïing sah i bah Sanbor Shullai, ha New Kench’s Trace naduh kapor 8 baje mynstep haduh ka por 12 baje mynsngi kata naduh 8 tarik Nailar 2022. Ka tarik ba khatduh ban pynpoi ïa ki form kan long ha lane shwa ka 22 tarik Nailar 2022.
Ha ka jingsam ïa ka khusnam yn samlang ruh bad ki laptop.
