Shillong, Jylliew : Ka NPP Youth Wing Mawlai Block kan sam khusnam na ka bynta kito ki samla pule kiba ioh 75% shaneng ha ka SSLC bad 70 % shaneng ha ka HSSLC, kiba kynthup ia ki Top 10 bad top 20 kaban long thik tang na ka bynta ki samla pule kiba hap hapoh Mawlai konstitwensi.
Katkum u Joflin Marbaniang, president ka NPP Youth Wing (Mawlai Block bad General Secretary u samla Barthol Sohlang, ki la pynpaw ba kane ka jingsam khusnam ka long kum shi bynta jong ka jingpynshlur ia ki samla pule ba kin nanglah ban leh bha na ka bynta ka lawei jong ki bad na ka bynta kiwei ruh ki samla pule ba kin leh bha lem ha ki eksam ban long ha ki snem kiban wan.
Ha kajuh ka por ka NPP Youth Wing Mawlai ka kitbok kitrwiang ia baroh ki samla pule kiba la trei shitom da kaba ioh kheit ia u soh lyngba ka jingpas ka jong ki ha ka eksam SSLC bad HSSLC jong ka MBOSE.
Ka la kyrpad ruh ia ki samla pule ba kin phah ia ki kyrteng, ki phone number bad ki marksheet. Ka tarik bakhatduh ban submit kan long naduh ka 1.07.2022 haduh ka 11.07.2022 ha ki Whatapps number 8794315093, 9615569412, 8787860433 bad 8014867025.
