Shillong, Jylliew : Ka Mawsynram Constituency Welfare Organisation Shillong kaba dei ka kynhun ki nongshong shnong ka Mawsynram constituency kiba sah ha Shillong ka pyntip ba kan pynlong biang iaka jingsam khusnam sha ki samla pule kiba pass bha mynta u snem 2022 kata tang kiba ioh 60% mark percentage shaneng naduh kiba pass ia ka matrik ne Secondary School Leaving Certificate (SSLC), HSSLC, Degree haduh master degree.
Kumta ka seng ka la kyrpad iaba baroh ki samla pule kiba pass iaki eksam ban pynpoi noh ia ki kot donkam kiba la dep Xerox kum ka marksheet, birth certificate, dur pasport size kawei, EPIC ki Kmie ki kpa, Number phone.
La kyrpad ban pynpoi ia ki kot jingdonkam hapoh 15 tarik Naitung (July) 2022 ha Rilum offset Press kaba don ha Umsohsun, hajan ophis DI School, Shillong.
Kumba ju leh manla u snem kane ka jingsam award iaki samla pule kadei ia baroh kiba shong ba sah ha Shillong bad kiba pule ha ki skul ha shnong kaba hap hapoh jong ka mawsynram constituency.
Na ka bynta kiba pass Degree, ka seng kan ap haduh ban da mih result . Yn sam khusnam kyrpang ruh ia kawei na ki school kaba pass bha iaka SSLC Exam jong u snem 2022.
Kumban shu pynkynmaw kane ka jingsam khusnam ka la sdang naduh u snem 2017 ter ter hynrei ha kine ki ar snem ka seng ka khlem ioh ban sam khusnam namar kajingpynthut na ka jingwan ka khlam covid-19.Kane ka long katkum ka kyrwoh ba la phah da u Secretary MCWOS bah B. Kynter.
