Jowai, Risaw, 09: Ka Khasi Students’ Union (KSU) Wapung Circle kum ka dak ban pynshlur bad ai mynsiem ïa ki samla pule kan pynlong ïa ka jingsam khusnam ba lah tip kum ka Woh Tep Kyndait Memorial Award na ka bynta ka samoi 2025.
Kiba lah ban ïoh pdiang ïa kane ka khusnam ki long kiba pass ïa ka SSLC bad HSSLC 75% shaneng, ki Graduate lane Post Graduate A lane A+ shaneng, kumjuh kiba lah pyndep ïa ka PhD lane kiwei ki jait courses, lane kito kiba wanrah nam ïa ka Jylla lyngba ki kam Sports.
Ki Shnong kiba lah ban ïoh ïa kane ka khusnam ki long kumne kiba kynthup ïa ka Tuber Shohshrieh, Tuber Kmaishnong, Wapung Shnong , Wapung Skur, Mookhep, Iongkaluh, Jalyiah, Khliehmyntriang, Sohkymphor, Byrwai, Iurim Khliehshnong, Pynthorsale, Mukha Ialong, Mutong, ChamCham, Lumshyrmit, Pamra Kmai, Pamra Paithlu bad Rachai.
Ïa ki marksheet lah ban send ha kine ki number Education Secretary Heini Lapasam (93625 50667), Publicity Secretary Luckystar Rymbai (8413805987).
Ka tarik ba khatduh ban phah ïa ki marksheet kan dei hapoh ka 31 tarik, Risaw 2025. Ïa ka jaka pynlong bad tarik ban ai ïa ki khusnam yn sa pyntip pat hadien.
