Nongstoiñ, Ïaïong, 7: Ka Sharak Rural Development Society kan pynlong ïa ka Concert ha ka 29 tarik Iaiong 2023 ha Madan New Nongstoin, ha kaba u Artist Wanjop Sohkhlet (u Nongrwai ba pawnam ka Shynnam Shynnam) ryngkat u DJ B Bay Smit, I Artist Eddie Lyngdoh ryngkat u DJ B4ndit, kin wan ban pynshongshit ha katei ka sngi. Nalor ka Concert yn don ruh ka food festival bad ka Dancing Competition, kaba dei ruh ka sngi International Day of Dance.
Yn don ar jait ki jingïakop kata ara marwei (solo) bad kynhun (group). Ka prize jong ka Solo kan long 1st prize 8000 2nd prize 5000 bad 3rd prize 3000 bad ki consolation. Kawei ïa ka kynhun ba long nyngkong kadei 10000 bad kan don ruh ka lucky draw bad kiwei de ki jait jinglehkai.
“Kane ka dei ruh ka sngi ba ka society kan sdang ïa ka jingtreikam bad ha kajuh ka por ban pynmih jingiarap ïa ka. Ka society ka khot ka wer ïa baroh ban wan ban shimbynta kumjuh ban pyni ki sap ki phong”, ong u President Bah Wellessly Lyngkhoi.
