Shillong, Nailur : Ka Seng jong ki nonghikai skul Primary ha ka lama jong ka APSTA kan pynlong ka jingrakhe ïa ka lyngkhuh snem ïap ba 173 jong U (L) Thomas Jones I uba la tip da baroh kum “U Kpa ka Khasi Alphabet” ha ka 16 tarik mynta u bnai.
Ha kane ka juh ka sngi kumba ju leh man la ka snem yn rakhe ruh ïa ka jingdap ba 180 snem ka jingsdang ki skul Lower Primary ha kine ki Lum Khasi bad Jaiñtia baieit jong ngi.
ïa kane ka prokram yn pynlong ha Madan Tirot Sing ha Mairang ka ban sdang naduh ka por 10.30 mynstep, ha kaba yn ïa don lang ruh u Bah Vincent Pala M.P. kum u Kongsan bad u bad u U Paiem P.Syiemlieh ka Hima Khadsawphra kum u Symbud Kongsan.
Ka khubor na ka TJMCC Committee ka pyntip ruh ba yn don ki prokram ba la pynbit pynbiang da ka APSTA. Yn don ruh ka jingnoh synñiang ïa kaba la ju pyntreikam da ka APSTA ha man ba rakhe ïa ka TJMCC(i) Sha (i) Ka Christmas Make Over 2022,(ii) sha ka Holy Cross Hospital,(iii) sha ka Synod School Vidhya Jyoti Inclusive School ba la pynmang mar T.50,000/- kawei kawei.
Nalor kata kan don ruh ka jingpynkup burom ïa I Babu S.Nongrang bad Babu.J.J.Lyngdoh Ex President bad Ex Vice President ka APSTA. Yn sam ruh ïa ka Welfare Scheme ba T.30,000/- marwei sha kito ki dkhot ka APSTA kiba shongthait haduh ka 31.12.2019.
Ka shuti ba Ki Managing Committee kin ai ka long tang ïa kito ki nonghikai kiba wan ban ïa shim bynta ha kane ka jingrakhe Thomas Jones.
Na ka liang ka APSTA Mairang Unit kaba pdiang ïa kane ka jingrakhe ka khot bad wer ïa baroh ban wan ïa shim bynta ha kane ka sngi.Kane ka long katkum u kyrwoh lyngba u Bah F.C.Shullai, General Secretary APSTA.
