Shillong, Naitung 25: U Symbud Myntri Rangbah ka jylla ha ka sngi Nyngkong u la ïathuh ba ka sorkar kam lah ban shu pynbna paidbah ïa ka kaiphot kaba la aiti da ka kynhun tohkit halor ka jingshah siat ïap u Bah Cheristerfield Thangkhiew.
U Bah Prestone u la ïathuh ba kat kum ki aiñ bad ki kyndon, halor ka kaiphot ka kynhun tohkit halor ka jingshah siat ïap u Bah Cheristerfield Thangkhiew yn hap ban rah shuwa ha ka Ïing Dorbar Thaw Aiñ ka Jylla kumba ju leh ïa ka kaiphot ka Controller and Auditor General.
“Ka don kein ka jingdawa na ki paidbah ban pynlait paidbah hynrei ka sorkar kam lah ban leh lymmuh hynrei kan hap bud ïa ki kyndon jong ka kynhuh tohkit” ong u Bah Prestone
U Bah Prestone u la ong ba na ka liang jong ka sorkar ynda ka la dep ban rah ïa kane ka kaiphot ha Ïing Dorbar yn sa pynmih paidbah ïa ka kaiphot u la ong.
