Amlarem, Rymphang 03: Ka ophis Sub-Divisional Disaster Management Authority (SDDMA), Amlarem, West Jaiñtia Hills District, ka la pyntip paidbah ha kane ka 9 tarik Rymphang, 2026 kan pynlong ïa ka Mock Exercise halor ka jingkhih u jumai ïa kaba yn pynlong ha madan Amlarem Secondary School.
Ïa kane ka mock exercise la pynlong shi bynta ban pynsngewthuh paidbah bad ban ai jinghikai shaphang ki lad jingïada na ki jingma kiba lah ban wan lyngba ki bor u jumai ha kano kano ka por.
La kyrpad ïa baroh ban ïatreilang naduh ki tnat sorkar, ki skul bad ki nongshong shnong, khnang ba kane ka jingthmu kan long kaba ïaid beit ïaid ryntih.
Kane la long katkum ka jingpyntip na ka ophis Sub-Divisional Officer (Civil), Amlarem Sub-Division.
