Shillong, Risaw 05: Ka shlem ai jinghikai jngi, ka True North, ka la wan shakhmat ban pyntip ba kan shim ïa ka sienjam ba kan pynlong ïa ka lympung ïakob jngi kaba la jer kyrteng da ka ‘1st All Shillong Inter School Swimming Championship’.
ïa kane ka jingïakob jngi yn pynlong ar sngi lynter, bad la buh ban sdang ïa ka ha ka 24 tarik haduh ka 25 tarik mynta u bnai Risaw ha ka pung jngi jong ka Truenorth ha Lapalang, Shillong.
La pyntip ba ki khynnah skul kiba lah ban ïashim bynta ha kane ka jingïakob ki long naduh 9 snem shaneng bad kiba pule haduh ka Class 12. Ka por ba khatduh ban pynrung kyrteng ka long ha lane shuwa ka 15 tarik Risaw, 2025.
Na ka bynta ki jingtip ba kham bñiah lah ban ïoh lyngba ka registration form ne lah ruh ban phone ha kine ki nombar; 6909318320/9366799804.
