Shillong, Jylliew: Ka tnat Social Welfare and Women & Child Development ka sorkar Meghalaya ha ryngkat ka jingïatreilang bad ka Meghalaya State Commission for Women kan pynlong ïa ka ‘State Women’s Conference 2022’ ha ka 8 tarik mynta u bnai ha ka por 10:30 mynstep hapoh State Convention Centre, Shillong.
Ha kane ka conference yn ïa don lang ka Myntri ka sorkar pdeng ka ba khmih ïa ka tnat Women & Child Develop-ment, ka Smti. Smriti Zubin Irani ka ban ïashim bynta lyngba ka Conference online. Ha kane ka conference yn ïa don lang ruh u Myntri Rangbah ka jylla u Conrad K Sangma, bad u Myntri ka tnat Social Welfare, u Bah Kyrmen Shylla.
Nalor kata yn sakhi ruh ïa ka jingwan ïashim bynta jong ki ba bun ki longkmie na ka na ka jylla bad na kiwei pat ki ri kata naduh ki nongseng kam lajong, ki nongïalam ki SHG, ki riew shemphang, ki nongthoh, ki nongpathai khubor, ki samla pule university bad ki longkmie ki ba la noh synñiang na ka bynta ka bha ka miat jong ka imlang ka sahlang.
