Jowai, Kyllalyngkot 20: Ka ophis treikam jong u District Sports Officer (DSO), West Jaiñtia Hills District, Jowai kan pynlong ïaka ‘Winter Coaching Camp’ haka jingïalehkai Football bad Athletic ha Kiang Nangbah Stadium, Jowai.
Haka jingïalehkai Football, naka bynta ki khynnah shynrang jong ka kyrdan Under–15 ki dei kiba la kha hadien ka 1 tarik u January, 2012
Katba haka Athletic jong ki khynnah Under-14 (shynrang & kynthei) ki dei kiba la kha hadien ka 1 tarik u January, 2013. Haka kyrdan Under–16 (Shynrang & Kynthei) kiba la kha hadien ka 1 tarik u January, 2011. Katba haka kyrdan Under–18 jong ki khynnah (Shynrang & Kynthei) ki dei kiba la kha hadien haka 1 tarik u January, 2009.
Kiba kwah ban ïashim bynta ki dei ban Register ïa ka kyrteng jong ki da kaba pynpoi ïa ka Xerox Copy jong ki syrnot sngi kha/ Addhar Card sha ka ophis u DSO haka por long trei bad ka tarik ba khatduh ban pynpoi ïa ki kyrteng kan long ha lane shwa ka 29 tarik u January, 2026.
