Yn pynlong ka MSSDS ïa ka Recruitment Drive 2026 ban kyntiew ïa ka kamai kajih bad ka lad ïohkam ki samla

Mawkyrwat, Rymphang 22: Ka Meghalaya State Skill Development Society (MSSDS) kan sa pynlong ïa ka Recruitment Drive 2026 kaba kum shibynta ban kyntiew ïa ka kamai kajih bad ka lad ïohkam ïohjam jong ki samla hapoh ka South West Khasi Hills District.
Ka jingthmu jong kane ka Recruitment Drive ka long ban ai lad ïa ki samla ba kin ïashimbynta ha ki jingai jinghikai ne ki training bad ki lad ïoh kam ïoh jam ne ki Interview.
Kumta, ïa kane ka Recruitment Drive 2026 na ka liang ka Meghalaya State Skill Development Society (MSSDS) kan sa pynlong shwa ha Mawkyrwat C&RD Block ha ka 24 tarik u Rymphang, 2026 ha GCIITS Training Centre, Mawkyrwat ha syndah ka Ïingmane jong ka Balang Church of God Mawkyrwat.
Nangta, ha Ranikor C&RD Block pat kin pynlong ha ka 27 tarik u Rymphang, 2026 hapoh ka Hall jong ka Block Development Officer Ranikor C&RD Block.
Ka por jong ka jingsdang ïa kane ka Recruitment Drive kan long naduh ka por 10 baje mynstep haduh 5 baje janmiet.
Na ka bynta ki jingtip ba kham bniah, sngewbha leit ban ïa kynduh ïa ki nongtrei jong ka ophis Meghalaya State Skill Development Society (MSSDS), Skills Development Officer, South West Khasi Hills District lane phone ha +91-8837098873.