SHILLONG, Nailar 06: Ka Meghalaya Sport Climbing & Mountaineering Association [MeSCMA] ka sngewkmen ban pynbna ïa ka State Level Awareness Program halor ka Sport Climbing & Adventure Activities, ba la buh ban pynlong ha ka 21 tarik bad 22 tarik u Nailar, 2025.
ïa kane ka prokram kaba ar sngi lynter yn pynlong ha ka kynroh lane ka Climbing Wall jong ka 58 GTC, ha Happy Valley, Shillong.
Ka jingthmu ka long ban pynsngewthuh bad ban kyntiew ïa ka jingsngewtynnad ïa ka kam kiew lum lane ka Sport Climbing hapdeng ki samla ba don sap jong ka jylla Meghalaya.
Kumta lyngba kane ka prokram, ka MeSCMA ka thmu ban pynshlur ïa ki samla ban mad ïa ka jingsngewtynnad jong ka kam kiew lum (Sport Climbing & Adventure Sports).
Ka synjuk ka la pyntip ruh ba ki khynnah (shynrang bad kynthei) kiba lah ban wan ïashim bynta ha kane ka prokram kidei kiba naduh 12 haduh 15 snem, bad ka por ba khatduh ban pynrung kyrteng ka long ha ka 12 tarik Nailar, 2025 shuwa ka por 5 baje janmiet.
Na ka bynta ki jingtip ba kham bñiah ha kaba ïadei bad ka jingpynrung kyrteng lah ban phone ha une u number: 9612431187 – 9366789708.
Kane ka long katkum ka kyrwoh jong ka Meghalaya Sport Climbing and Mountaineering Association (MeSCMA) halor ka State Level Awareness Program na ka bynta ka Sport Climbing & Adventure Activities.
