Shillong, Nailur 06: Kum shi bynta ka jingpynkhreh ïa ka “Khelo India Women’s League” ka ban sa long ha ki 25 tylli ki nongbah ha India, ka Meghalaya Athletics Association ka la rai ban pynlong da ka jingïakop marehthong kaba la tip da ka 3K & 5K Road Run tang na ka bynta ki kynthei ha ka 21 tarik u Nailur, 2023.
ïa kane ka jingïakop marehthong la pynkhreh ban pynlong ha ka por 7 baje mynstep ha SAI, STC, NEHU Campus.
Na ka bynta kito ba kwah ban ïashimbynta ha kane ka jingïakop mareh ki lah ban pynrung kyrteng ïalade lyngba ka ophis treikam jong ka Meghalaya State Olympic Association (MSOA) lane phah jingtip lyngba u WhatsApp number 9856041365, 9233072206 da kaba phah ïa ki kyrteng, rta bad ruh ka jaka sah.
La ïoh ruh ban pynkhreh ban sam khusnam sha ki nongjop lyngba ka Cash prize kaba 2500/-, 1500/- bad 1000/- bad ruh ka Certificate lem bad ka takma na ka Athletic Federation of India.
Ka tarik ba khadduh ban pynrung kyrteng na ka bynta ka jingïakop mareh kan long ha ka 18 tarik u Nailur, 2023. Kane ka long katkum ka kyrwoh kaba la phah na ka Meghalaya Athletics Association.
