Shillong, K’Lyngkot 23: Ka Lok Bhavan, Shillong kan pynlong ïa ka 2nd Shillong Flower Show 2026 mynta u bnai ha ka 26 bad 27 tarik ha Lok Bhavan Garden, Shillong.
La pynlong ïa kane da ka jingkyrshan jong ka Shillong Agri Horticultural Society bad ka ophis u Directorate ka Horticulture.
Ïa kane ka jingpyni namïa ki syntiew un sa plie paidbah ha ka step 26 tarik u kyllalyngkot ha ka por 8.15 da u Lat ka jylla Meghalaya u C.H. Vijayashankar.
Kane ka jingpyni nam kaba ar sngi kan pyni bniah shaphang ki syntiew bapher bapher, bad ki jingthung pynitynnad ne ki (horticultural exhibits) ka ban pyni ïa ka jinglong jong ka thain.Kane ka jingpyni nam ka long ban kyntiew ïa ka kam rep syntiew, ban pynshlur ïa ki nongrep ha ka thaiñ, bad ban pynsngewthuh ïa ki paidbah shaphang ka rep syntiew bad kiwei kiwei.
Kane ka Shillong Flower Show 2026 kan plie paidbah ha ka por 3 baje janmiet haduh ka por 8 baje mynmiet ha ka 27 tarik u kyllalyngkot.
La khot sngewbha ïa ki paidbah ban leit jngoh ïa ka kper Lok Bhavan bad ban iohi ïa ki jingpyni nam ïa ki syntiew kiba itynnad ha katei ka sngi.
