Shillong, ïaïong: Sa shisien pat na ka liang jong ka Barilang Pyngrope ryngkat bad ki katto katne ki samla, kila rai ban pynlong ïa ka jingïasoi paidbah (signature campaign) na ka bynta ban dawa mardor na ka sorkar jylla ba kan pynkylla noh ïa ka rukom bhah thungkam thungjam (reservation policy) hapoh ka jylla ha ha ka 8 tarik mynta u bnai naduh ka por 1 pm haduh 4 baje janmiet ha ïew Sohra.
Kum ban shu bynrap khyndiat, ïa kane ka jingïasoi paidbah (signature campaign) ki la ju pynlong teng bad dang shen ruh ki la ïoh ban pynlong ha Stand bus Mawlai Mawdatbaki, ha kaba bun ki samla jong kane ka dong ki la mih shakhmat ban ïashim bynta da kaba soi kyrteng.
Kumta ruh sa shisien pat ki kyntu ïa ki samla jong ka thaiñ Sohra baroh kawei ba phin ïa mih shakhmat ban ïashim bynta ha kane ka jingïasoi paidbah (signature campaign) khnang ba ka sorkar jylla kan sngap noh bad pynurong ïa kane ka jingdawa kaba long ka jingmyntoi bakhraw ïa ngi ki samla wad kam wad jam hapoh ka bri u Hynñiewtrep. Kane ka long katkum u kyrwoh lyngba u Bah Carmel Fedrick Malngiang, Wahkaliar, Sohra.
