Jowai, Naitung 22: Ka All Jaiñtia Muster Roll Workers & Labour Union, East Jaiñtia Hills District Unit, kala pyntip ban pynlong ïa ka Dorbar bah jong ki nongtrei nongsngi (Muster Roll) kiba trei ha ki tnad sorkar bapher bapher hapoh ka East Jaiñtia Hills District, Khliehriat ka ban long haka 24/07/2023 haka por 10:00 baje mynstep ha Khliehriat West Community hall.
Kumta, ka seng ka khot ya baroh kiba trei nongsngi (Muster Roll) ha ki shnat treikam ka PHE, Agriculture, Horticulture, Forest, Soil, Education, PWD (Roads & Building), Health ba kin wan khnang khnang sha kane ka jingïalang na ka bynta ban ïakren bniah halor ki kam ba dang sah teng kiba ki shnat treikam ka sorkar kim pat pyntreikam nalor ba la don lypa ki hukum ba ka sorkar ka pynmih na ki por sha ki por na ka bynta ki ba trei nongsngi. Kane ka long katkum ka khubor ba la phah da u General Secretary AJMW&LU, CEC Jowai ma Dapherborn N Suchiang bad ka kong Banaras Dhar General Secretary AJMW&LU, East Jaiñtia Hills District Unit.
