Shillong, ïaïong 20: Ka ophis jong u District Sports Officer (DSO) East Khasi Hills District, kan pynlong ïa ka Inter School Athletic Meet, 2022 na ka bynta ki kynnah skul kiba hapoh 14 snem, 16 snem bad 28 snem. Kane ka jingïalehkai Sport ki skul kiba don ha East Khasi Hills District kan long naduh ka 18 haduh ka 20 tarik u Jymmang mynta ka snem ha Sports Authority of India, STC, NEHU, Shillong.
Katkum ka jingpyntip u DSO, Bah O. Mawthoh, la ong ba ha ka Under 18 (Boys), ki jingïalehkai kin long ka 100 M, 200 M, 400 M, 800 M, 1500 M, 3000 M, Long Jump, High Jump, Shot Put, Discuss Throw, Javelin, 4×100 M bad 4×400 M Relay.
Ha ka Under 18 (Girls), ki jingïalehkai kin long ka 100 M, 200 M, 400 M, 800 M, 1500 M, 3000 M, Long Jump, High Jump, Shot Put, Discuss Throw, Javelin, 4×100 M bad 4×400 M Relay.
Ha ka Under 16 (Boys) ki jingïalehkai kin long 100 M, 300 M, 800 M, 2000 M, Long Jump, High Jump, Shot Put, Discuss Throw, Javelin, 4×100 M Relay.
Ha ka Under 16 (Girls) ki jingïalehkai kin long 100 M, 300 M, 800 M, 2000 M, Long Jump, High Jump, Shot Put, Discuss Throw, Javelin, 4×100 M Relay.
Ha ka Under 14 (Boys) ki jingïalehkai kin long 60 M, 600 M, Long Jump, High Jump bad Shot Put.
Ha ka Under 14 (Girls) ki jingïalehkai kin long 60 M, 600 M, Long Jump, High Jump bad Shot Put.
U DSO u la pyntip ruh ba na ka bynta ki khynnah skul kiba hapoh 18 bad 16 snem, yn shah ban ïashim bynta tang ar tylli ki jingialehkai ba ïakhun shimet bad kawei ka ba ïakhun lang. Ki nongïashim bynta na kawei kawei ka skul kin long 15 ki shynrang bad 15 ki kynthei ha ka Underr 18, mar 13 ngut ki shynrang bad kynthei ha ka Under 16, Mar 7 ngut shynrang bad kynthei ha ka Under 14. Ki nongïalam kin long mar 3 ngut na kawei ka skul.Baroh ki nongïashim bynta kidei ban long kiba ka attendance ne ka jingleit skul jong ki kadei ban long 75%. Ka Screening Test na ka bynta ki nongïashim bynta kan long ha ka 9 tarik u Jymmang 2022 naduh ka por 10 baje mynstep ha ophis u DSO, East Khasi Hills District.
