Shillong, Ïaiong 09 : Ka phlim Jingim ba la pynmih da ka Chwa Syiemlieh film Production ka la rai ban pynlong noh tang da ka jingïakop shad kaba la ai kyrteng Khasi Dancing Competition 2022 bad ïa ka jingïakop rwai yn sa pynlong ha kiwei ki por khnang ban suk haba bishar.
Ka jingpynlong ïa ka jingïakop shad ka dei hadien ba ka jingïakop shad bad rwai kaba ai kyrteng Khasi Dancing and Singing competition ka la long kaba jop ha kaba la dep sam lut ïa ki khusnam sha baroh 78 ngut ki nongjop.
Ki jingrwai kaba phi lah ban shad ha kane ka jingïakop ki long tang da ki jingrwai khasi kum na ka phlim Jingim, Dhaka Escape, Ka Daw, Pynngop, 9-Lad, Ka Chithi, Draibar Taksi, Ahor, Ka Pap bad Ka Juk, katba ki music video ki long Por Samla, Nadien ngan bud, Mynta ka sngi, Nga thrang ïa phi, Haduh ba kut, Angnud, Shad haban da shai, Wan, Shipara lok, Kmen, Aiom Kmen, Nga itynnad, Nga pyrkhat, Kiar Ho lok, Kynmo, Borsing, Oste bad Nathwei Dohnud.
Ki khusnam na bynta ki nongjop ki long, 1st prize- Scooty, 2nd Prize- Rs. 25,000, 3rd Prize- Rs. 10,000, 4th Prize- Rs. 5,000, 5th prize– Rs. 4000, 6th Prize- Rs. 3000, 7th prize- Rs. 3000, 8th Prize- Rs. 3000, 9th Prize– Rs.3000, 10th Prize– Rs. 3000. Kin don ruh sa ki Special Prize kumba 8 tylli ban jied iwei na ki district kynthup ïa ka Shillong City, 4 ngut Best Dancer (Kynthei) 4 ngut Best dancer (Shynrang) 10 ngut consolation prize.
Kane ka jingïakop kan don 3 round kata ha ka first Round bad Semi Final yn leh da ka online bad ha ka final yn leh ha stage ha nongbah Shillong. La kyntu ruh ïa ki nongshim bynta ba kin phah ïa ki video jong ki ha u 94023 93070 naduh ka 11tarik mynta u bnai bad ka tarik ba khatduh kan long hapoh ka 10tarik u Jymmang.
