Yn pynlong ïa ka CRC na ka bynta ka jingpyntbit ïa kiba don jingduna ha ki dkhot met ha Shillong

Shillong, Jymmang :U Dr. Virendra Kumar, Myntri Sorkar Pdeng ba dei khmih ïa ka tnat Social Justice and Empowerment un plie lyngba ki lad digital ïa ki kam jong ka Composite Regional Centre na ka bynta ka jingpyntbit, ka jingai jingïarap bad ka jingpynkupbor ïa kito kiba don jingduna ha ki dkhot met (ki Divyangjan) CRC-Shillong ha ka prokram ka ban long ha ka 17 tarik u Jymmang 2022 ha U Soso Tham Auditorium, State Central Library, Shillong. ïa kane ka Centre la pynïaid hapoh ka NIEPMD-Chennai, ka tnat Empowerment of Persons with Disabilities (Divyangjan), ka tnat Social Justice & Empowerment jong ka Sorkar India. Ka CRC ka don ha ka mala kaba nyngkong jong ka Montfort Building, Dhankheti, Shillong, Meghalaya.