New Delhi, Naitung 19 :Ka Tnad Financial Services (DFS), ka Tnad kam pla tyngka jong ka sorkar pdeng, ka la sdang ïa ka campaign kaba lai bnai ha baroh kawei ka ri, kaba la treikam naduh ka 1 tarik u Naitung 2025 haduh ka 30 tarik u Nailur 2025 ban pynkhlaiñ ïa ka jingpynpoi ïa ki skhim ba kongsan kum ka Pradhan Mantri Jan Dhan Yojana (PMJDY), Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY), bad ka Atal Pension Yojana (APY). Kane ka campaign ka thmu ban kynthup baroh ki Gram Panchayat (GP) bad ki Urban Local Body (ULB), da kaba pynthikna ba uwei pa uwei u nongshong shnong uba dei hok u lah ban ïoh ïa ki jingmyntoi ba la thmu jong kine ki skhim kiba wanrah jingkylla.
Ha ki ar taiew naduh ba la sdang ïa kane ka campaign ha ka 1 tarik Naitung 2025, la pynlong haduh 43,447 tylli ki camp ha kylleng ki district bapher bapher ban pynsuk ïa ka jingpynrung kyrteng ïa ki nongïoh jingmyntoi hapoh ki skhim ba kongsan bad ban kyntiew ïa ka jingsngewthuh shaphang ki kam pisa tyngka. La lum ïa ki kaiphod jong ka jingïaid shaphrang na ka bynta 31,305 tylli ki camp haduh mynta.
Ka campaign ban kynthup ïa ki kam pisa tyngka ha Balod Gram Panchayat, Chattisgarh
Ki Kam ba kongsan ba la leh : Ka Jingplie Account, ki Account PMJDY ba thymmai: 1,39,291, ka jingpynshisha biang ïa ki jingtip Know Your Customer (KYC) na ka bynta ki account bym treikam.
Ki Account PMJDY: 96,383
Kiwei pat ki Account jingkynshew pisa: 1,01,778
Ka jingpynthymmai ïa ki jingtip ba bniah jong ka jingpynrung kyrteng:
Ki Account PMJDY: 66,494
Kiwei pat ki Account: 63,489
Ka jingpynrung kyrteng hapoh ki jingïada ha ka imlang sahlang:
Pradhan Mantri Jeevan Jyoti Bima Yojana (PMJJBY): 1,83,225
Pradhan Mantri Suraksha Bima Yojana (PMSBY): 2,88,714
Atal Pension Yojana (APY): 67,668
Ki jingkam ba la pynbeit hapoh ka PMJJBY bad PMSBY: 1,665
Ka prokram ai jinghikai shaphang ki kam pisa tyngka halor ka jingpynsngewthuh ïa ki kam thok lyngba ki lad digital, ka jingïoh ïa ki pisa ba la buh khlem da dawa & ka jingpynbeit ïa ki jingeh kiba lah ban ïoh.
Ka campaign ban kynthup ïa ki kam pisa tyngka ha Karbi Anglong, Assam.
Ka campaign kan bteng haduh ka 30 tarik u Nailur 2025, kaba kynthup ïa kumba 2.70 lak tylli ki GP bad ki ULB bad ka pynpaw ïa ka jingkular jong ka Sorkar ban pynthikna ka jingpynkupbor ïa baroh ha ki kam pisa tyngka bad ban kyntiew ïa ka jingïadon bynta ha ka imlang sahlang bad ka ïoh ka kot lyngba ka jingïoh ïa ki jingshakri ba pura ha ki kam pisa tyngka.
Ki sienjam ban pynïasoh ïa ki kam pisa tyngka jong ka Sorkar India ki long kum u mawjam ban pynkupbor ïa ki jaidbynriew kiba shah iehnoh beiñ ha ka liang ka ïoh ka kot bad ka imlang sahlang da kaba pynsuk ïa ka jingïoh ïa ki jingshakri ba pura ha ki kam pisa tyngka.
La saindur ïa kine ki sienjam ban wanrah ïa ki briew ki bym don bank account sha ka jingdon bynta ha ki kam bank, kaba pynskhem ïa ka jingkiew ka ïoh ka kot kaba kynthup lang bad kaba neh.
