Yn pynkup burom ka MFA ïa ki nongïalehkai phutbol ka jylla ha ka miet sam khusnam ha ka taïew ban wan

Shillong, Nohprah 19: Ka Meghalaya Football Association (MFA) kan pynkup burom ïa ki nongïalehkai phutbol barim bad ba mynta, ki coach bad ki referee kiba la kyntiew ïa ka kyrdan jong kane ka jingïalehkai ha ka jylla ha kine ki snem ha ka jingïalang sam khusnam ha ka miet sngi Nyngkong.
Kane ka jingïalang kan long ha State Convention Centre ha ka por 6 baje janmiet ha kaba ïa ki 40 ngut ki riew shimet, kynthei bad shynrang yn ithuh da ka MFA halor ka jingnoh synñiang kaba khraw jong ki sha ka jingïalehkai kaba itynnad.
Ka thup jong ki nongïoh khusnam kan kynthup lang ïa kito kiba la long ki nongprat lynti ryngkat bad kito kiba dang tei ïa la ka jong ka jingim. Ki nongïalehkai ki ban shah pynkup burom baroh ki la ïalehkai na ka bynta ka India ha ka kyrdan junior bad senior.
Na ka bynta ka jingtrei shitom jong ki ha kine ki snem, kane ka jingithuh ka long ka sienjam ban ithuh ïa ki nongïoh khusnam bad ban ai mynsiem ïa ka pateng ban wan jong ki nongïalehkai phutbol ha Meghalaya.
Ka thup kyrteng jong ki nongïoh khusnam: (L) Fullmoon Pyrtuh, Pele Lyngdoh, Wiwon Kurbah, Weilad Passah, Rocus Lamare, Marlangki Suting, Eugeneson Lyngdoh, Aiborlang Khongjee, Lekini Suting, Ailad Kharngapkynta, Poibiang Pohshna, Bevan Marbaniang, Larry Diengdoh, Samuel Shadap, (L) John Shadap, Berland Syngkon, Romeo Suklein, Chanmitre Thma, Kyntiew Shaphrang Kharluki, Enestar Malngiang, Shaiborlang Kharpan, Rupert Nongrum, Pynkhrawbok Kurbah, Aenam Graffenberg Jyrwa, Banlam Nongkynrih, Aiborlang Thangmaw, Ricky John Shabong, Lionel Daryl Rymmei, Halen Nongtdu, Samuel Lyngdoh Kynshi, Bonifilia Shullai, Alisha Lyngdoh, Fragrancy Riwan, Ribansi Jamu, Manbhakupar Malngiang, Banlamkupar Rynjah, Ribahunshisha Kharshiing, Ronney Wilson Kharbudon, Hering Shangpliang, Riiohlang Dhar.