Jowai, Nailur, 03 : Ka Khasi Students’ Union (KSU) Jowai Unit kan sa pynlong ïa ka ‘3rd Mait Shaphrang Academic Award’ jong u snem 2025. Ïa kane ka khusnam kiba lah ban aplai dei tang kito ki samla ba dei trai shnong hapoh ka sor Jowai bad kiba pule ha Jowai lane shabar ka sor Jowai ruh ha kiwei kiwei ki skul.
Ki samla pule kiba lah ban ïoh ïa kane ka Award kin long tang kito kiba ïoh 80% shaneng jong ka HSSLC bad SSLC ruh kumjuh. Baroh ki nong apply ïa kane ka Award ki hap ban pynpoi ïa ki kot ba donkam ha ophis treikam jong ka seng ha Salini Colony Mihmyntdu.
Na ka bynta ki kot donkam (Document) kin long kumne ka Marksheet Xerox (1 copy), ka Marksheet Original, ban pynshisha ïa u/ka nong apply bad ka phone number ki nong aplai ne jong ki bahaïing.
Ka sngi pynpoi ïa ki marksheet jong ki nong apply kan long naduh ka 2/9/2025 haduh ka 14/9/2025, ym lah ban pdiang ïa kino kino kiba wan ynda la kut ka por.
