Shillong, Jylliew 05: Ka seng Hynñiewtrep Youth Council ka la pyntip ba ka seng kan pynkup burom ïa ki khun samla ka jaitbynriew kiba wan shakhmat ha ki eksamin class X bad XII na ki skul kiba don hapoh ka jylla bad na ki Board bapher bapher jong u snem 2025 ha ka sngi rakhe ïa ka sngi seng ne foundation day jong ka seng ha ka 17 tarik bnai Naitung ha Laitarted, Nongthliew area kaba dang hab hapoh ka Eastern West Khasi Hills District.
Kito ki samla kiba wan shakhmat, Top Ten Position in order of Merit ha ka SSLC bad HSSLC, Arts, Science bad Commerce 2025 na ka MBOSE bad kito ki khun samla kiba ïoh marks 90% shaneng ha ka class X bad class XII na ka CBSE, ICSE bad ISC, kin sngewbha ban phah ïa ki marsheet, kyrteng ba pura ha ryngkat ki jaka sah bad phone number, lyngba ki WhatsApp ha ki nombar jong ki nongïalam ka seng bad ki nombar ki long 70056-24948 bad 81319-25487 bad yn pdiang ïa kiba ai jingtip tang haduh ka 25.06.2025, ong ka kyrwoh ba la phah da u Education Secretary HYC-CEC u Enlang Sawian bad u Assistant Education Secretary HYC-CEC u Jerry Riang.
